എന്താണു് പ്രശ്നം?
മോസില്ല ഫൌണ്ടേഷന്‍ ഡിവലപ്പ് ചെയ്ത മള്‍ട്ടി പ്ലാറ്റ്ഫോം ഈ-മെയില്‍/ന്യൂസ് റീഡര്‍ ക്ലയിന്റാണു തണ്ടര്‍ബേഡ്. (കൂടുതല്‍ അറിയുവാന്‍ )
ഉബുണ്ടു ലിനക്സില്‍ (വെര്‍ഷന്‍: എഡ്ജി എഫ്റ്റ്) തണ്ടര്‍ബേഡിലെ യൂണീകോഡ് മലയാളത്തിന്റെ റെന്‍ഡറിംഗ് അല്പം അരോചകമായിട്ടായിരുന്നു കാണപ്പെട്ടത്. പാംഗോ പാച്ചുകളും, ഫയര്‍ഫോക്സിനായുള്ള നുറുക്കു വേലകളൊന്നും തന്നെ ഇതൊന്നു മെച്ചപ്പെടുത്തുവാന്‍ ഉതകിയില്ല. (റെഫറന്‍സ്: മലയാളം ലിനക്സിലെ ഫയര്‍ഫോക്സില്‍. സ്ക്രീന്‍ ഷോട്ട്, ലേഖനം )
ചിത്രം 1: ഈ മലയാളം വായിച്ചെടുക്കുവാന്‍ ഇത്തിരി പ്രയാസമല്ലേ?
കാപ്പിപൊടി നിറത്തിലുള്ള പേജ് തലക്കെട്ടിലില്‍ മാത്രം ഒരു കുഴപ്പവുമില്ല എന്നതു പ്രത്യേകം ശ്രദ്ധിക്കുക.
പരിഹാരമല്ല, ഒരു ചെറിയ ഞടുക്കു വിദ്യയാണു് പറയാനുള്ളത്. നിങ്ങളുടെ ലിനക്സിലെ ഫയര്‍ഫോക്സില്‍ മലയാളം റെന്‍ഡറിംഗ് കുഴപ്പമില്ലാതെ വരുന്നുണ്ട് എങ്കില്‍ മാത്രം ഈ വിദ്യ ഫലപ്രദമാകും.
- ലിനക്സില്‍, ഡീഫാള്‍ട്ട് ഈ-മെയില്‍ ക്ലയിന്റായി തണ്ടര്‍ബേഡിനെ ഏര്‍പ്പെടുത്തുക. (Configure Thunderbird as the default Mail Reader. If you're on gnome, it can be set from System -> Preferences -> Preferred Applications)
- ഫയര്‍ഫോക്സില്‍ നിന്നും ഈ പേജ് തുറക്കുക.
- ടി പേജിലെ “1174163401@foo.bar“ എന്ന ലിങ്കില്‍ ഞെക്കുക. ടി ഐ.ഡി.യിലേക്ക് മെയിലെഴുതുവാനായി ഒരു "Compose" വിന്‍ഡോ തുറന്നു വരേണ്ടതാണു്.
- "Compose" വിന്‍ഡോ വന്നതിനു ശേഷം, താങ്കളുടെ മെനുവില്‍ നിന്നും തണ്ടര്‍ബേഡ് “ലോഞ്ചു്” ചെയ്യുക. (ഗ്നോം ആണു ഉപയോഗിക്കുന്നതു് എങ്കില്‍ : Applications -> Internet -> Thunderbird Mail.)
കുറിപ്പ്: മൂന്നാം സ്റ്റെപ്പില്‍ തുറന്നു വന്ന "Compose" വിന്‍ഡോ ഇപ്പോള്‍ അടയ്ക്കാവുന്നതാണു്.
ഇപ്രകാരം തണ്ടര്‍ബേഡ് തുറക്കുമ്പോള്‍ കിട്ടുന്ന റെന്‍ഡറിംഗ് മികച്ചതാകുന്നു:
ചിത്രം 2: തണ്ടര്‍ബര്‍ഡിലെ ഡീസന്റ് മലയാളം റെന്‍ഡറിംഗ്
ഇത്തരുണത്തില്‍ തണ്ടര്‍ബേഡില്‍ മലയാളം വായിക്കുകയോ, മലയാളം മെയിലുകള്‍ എഴുതുകയോ ചെയ്യാവുന്നതാണു്.
(ഗെക്കോ പിന്നണിയിലുള്ള Evolution പോലുള്ള മറ്റു മെയില്‍/ന്യൂസ് ക്ലയിന്റുകള്‍ക്കും ഇതേ രീതി ഉപയോഗിച്ചു നോക്കാവുന്നതാണു്. )
(ഗെക്കോ പിന്നണിയിലുള്ള Evolution പോലുള്ള മറ്റു മെയില്‍/ന്യൂസ് ക്ലയിന്റുകള്‍ക്കും ഇതേ രീതി ഉപയോഗിച്ചു നോക്കാവുന്നതാണു്. )
കുറിപ്പുകള്‍/അവലംബം:
- ഉബണ്ടു ലിനക്സ്. കെര്‍ണല്‍: 2.6.17-11-generic #2 SMP.
- പാംഗോ വെര്‍ഷന്‍: 1.14.5-0ubuntu1
- ഫയര്‍ഫോക്സ് വെര്‍ഷന്‍: 2.0.0.2 (Ubuntu-edgy)
- തണ്ടര്‍ബേഡ് വെര്‍ഷന്‍: 1.5.0.10 (20070306)
- This is just a simple workaround until a permanent fix is found.
4 അഭിപ്രായങ്ങൾ:
യൂണീകോഡ് മലയാളവും മോസില്ല തണ്ടര്‍ബേഡും (ലിനക്സ്) - പ്രശ്നവും പരിഹാരവും.
പണ്ട് പാപ്പാന്‍ പറഞ്ഞത് ഓര്‍മ്മ വരുന്നു...
കണ്ടുപഠിക്കേണ്ടതും പിന്നെ കണ്ടുപിടിക്കേണ്ടതുമായ ബ്ലോഗ് ഗവേഷകന്‍ അഥവാ ബ്ലോഗവേഷകന്‍, ഏവൂരാന്‍ :)
qw_er_ty
thunderbird-ല്‍ കുഴപ്പമൊന്നും കാണുന്നില്ലല്ലോ. [thunderbird ഉണ്ടായിരുന്നില്ല. ഇപ്പോള്‍ ഡൌണ്‍ലോഡ് ചെയ്തതേയുള്ളൂ. ver:1.5.0.10 (20070306)].
മലയാളം യൂണീകോഡ് പര അവരാതം
ഒരു അഭിപ്രായം പോസ്റ്റ് ചെയ്യൂ