ചിത്രങ്ങള്‍

കാകഃ കാകഃ, പികഃ പികഃ

വെള്ളിയാഴ്‌ച, ഫെബ്രുവരി 09, 2018

പിന്നണിചിത്രത്തിനു കടപ്പാട്

പിന്നണിചിത്രത്തിനു കടപ്പാട്,  ഈ മാതൃഭൂമി വാര്‍ത്തയ്ക്ക്.


https://evuraan.info/screenshots/images/broken-road.jpg


ഈയുള്ളവനും നാട്ടുകാരും ദുഷ്ടനും ശിഷ്ടനുമൊക്കെ വണ്ടിയോട്ടിയും ജീവിച്ചും മരിച്ചും  നടന്നുറച്ച്‌ ഒടുവിലിളകി ഈ പരുവമായതീ വഴിയാണേ!

വെള്ളിയാഴ്‌ച, ഫെബ്രുവരി 02, 2018

നിങ്ങള്‍ക്കറിയത്തില്ല, എനിക്കും.


ചിന്തിച്ചില്ലേല്‍ ഒരു കുന്തവുമില്ല, ചിന്തിച്ചാലൊരന്തവുമില്ല എന്ന മരീചിക എന്താല്ലേ? നമ്മളിങ്ങനെ ജീവിതത്തിനു മുന്നില്‍ പകച്ചും കിതച്ചും തളര്‍ന്നും നിന്നുമിരുന്നും വളഞ്ഞും ഒക്കെ  കഴിഞ്ഞു പോവുമ്പോള്‍, ഇന്നത്തെ അപഗ്രഥനം വിശുദ്ധ ദൈവത്തെ ചുറ്റിപ്പറ്റിയാണു്‌. അബ്സല്യൂട്ട് പവര്‍ - എന്നിലും നിന്നിലും ലോകഗോളങ്ങളിലും നാസാന്തര രോമകൂപങ്ങളിലും കുടികൊള്ളുന്ന അബ്സല്യൂട്ട് ശക്തിയെ വിര്‍ച്വല്‍ ഘടങ്ങളാക്കിയതിന്റെ ലോജിക് സത്യമായിട്ടും മനസ്സിലായിട്ടില്ല.

ഇവിടെ തള്ള് തുടങ്ങുന്നതിനു മുമ്പ്, ഈ പ്രഹേളിക എല്ലായിടത്തുമുണ്ട്. ഈവന്‍ ആധുനിക ഭരണസം‌വിധാനങ്ങള്‍ പോലും മിനിമം എക്സിക്യൂട്ടീവ്, ജ്യൂഡിഷ്യറി, പിന്നെന്തോ ഒന്നൂടി ചേര്‍ന്നതാണു്‌ - ഉദരനിമിത്തം ബഹുകൃത വേഷം മനുഷ്യനുണ്ടാക്കിയ സം‌വിധാനത്തിനു പറ്റും - നമ്മള്‍ ബലഹീനരും ഒരേ സമയം പലയിടത്തും പ്രത്യക്ഷമാവുന്ന ക്വാണ്ടം മെക്കാനിക്സ് ഇതു വരെ വശത്താക്കാന്‍ കഴിഞ്ഞിട്ടില്ലാത്തവരുമാണല്ലോ.

ഈ ഒറ്റ ശക്തിയെ  സൗകര്യം പോലെ ഘടകീകരിക്കുന്ന ലോജിക് മാനുഷിക സങ്കല്‍‌പ്പമല്ലാതെ ഒന്നുമാവാന്‍ വഴിയില്ല. ഘടകീകരണം മാത്രമല്ല ദൈവസങ്കല്പ്പങ്ങളുടെ ഹൈരാര്‍ക്കീകരണവും നമ്മുടെ വിദ്യ തന്നെ. ഓര്‍ഡറനുസരിക്കാന്‍ മാലാഖമാരും ദേവഗണങ്ങളും, സൃഷ്ടി സ്ഥിതി സംഹാരങ്ങള്‍ക്ക് പ്രത്യേകം ഡിപ്പാര്‍‌ട്ട്മെന്റുകളും - എന്തൊരു ഭാവന. പിതാവ്, പുത്രന്‍, പരിശുദ്ധാത്മാവ് - സ്ത്രീകള്‍ക്ക് പ്രാതിനിധ്യം ങേഹേ..!

മീന്‍‌വയില്‍, മനുഷ്യസങ്കല്പ്പത്തിനു വഴങ്ങാതെ, ഈ ഉഡായിപ്പുകള്‍ക്ക് എല്ലാം അപ്പുറത്ത്‌ ഒരു സം‌ഭവമുണ്ട് - അതെന്നെങ്കിലും ഈ അല്പബുദ്ധിക്ക് വെളിവാകും എന്ന അത്യാഗ്രഹത്തോടെ ഈ ലേഖനം ചുരുക്കുന്നു..

വ്യാഴാഴ്‌ച, ഫെബ്രുവരി 01, 2018

കമ്പനി ഭയം


സാധാരണക്കാരനെ പിഴിഞ്ഞിട്ടാണെങ്കിലും ലാഭമുണ്ടാക്കാന്‍ മാത്രം കമ്പനിക്കു താത്പര്യം. കുത്തകമുതലാളി, മുതലാളി - മലയാളിയുടെ ഓണ്‍‌ലൈന്‍ ലേഖനങ്ങളില്‍ മിക്കതിലും കാണുന്ന ഒരു പൊതുഘടകം. കറികളില്‍ ഉപ്പ് പോലെയോ മുളകു പോലെയോ ഇതിപ്പോള്‍ ശീലമായിത്തീര്‍ന്നിരിക്കുന്നു.

ഇതൊരു മടുപ്പിക്കുന്ന ക്ലീഷേ ആണല്ലോയെന്ന് (ക്ലീഷേ എന്ന പ്രയോഗം തന്നെ മറ്റൊരു ക്ലീഷേ ആണല്ലോ..) ലേബലടിച്ച് മാറ്റി വെച്ചിരിക്കുകയായിരുന്നു. അങ്ങനെ ഒരു നാള്‍ ശശി തരൂര്‍ എഴുതിയ "An Era of Darkness: The British Empire in India"  എന്ന ബുക്ക്  വായിച്ചപ്പോള്‍ ഒന്നല്പം മാറ്റി ചിന്തിക്കാന്‍ പ്രേരണയായി. 

പത്ത് മുന്നൂറ് കൊല്ലം ഈസ്റ്റ് ഇന്‍‌ഡ്യാ കമ്പനി എന്ന കമ്പനിയില്‍ തുടങ്ങി ഒരു ജനതയെ കൊള്ളയടിച്ച് ഒരു പരുവമാക്കി ലവന്മാരങ്ങോട്ട് ഇറങ്ങിയിട്ട് കഷ്ടിച്ച് എഴുപത് കൊല്ലമാവുന്നതേയുള്ളൂ. ബ്രിട്ടീഷ് കൊള്ളതുടങ്ങുന്നതിനു മുമ്പത്തെ നമ്മുടെ സമ്പത്തും (ജീ.ഡി.പി. തുടങ്ങിയവയില്‍ ആസ്ഥാനമായുള്ള കണക്കുകള്‍) പിന്നീടുള്ള ദുരവസ്ഥയും ശശിയുടെ ബുക്കില്‍ വിശദമായി പറയുന്നുണ്ട്.  വെറുതെയാണോ നമുക്കിപ്പോഴും കമ്പനിയെ പേടി?

മറ്റൊന്ന്: തരം കിട്ടുമ്പോള്‍ വായനശാലകളില്‍ നിന്നോ മറ്റോ ആ ബുക്ക് തരപ്പെടുത്തി വായിച്ച് നോക്കുക.


വെള്ളിയാഴ്‌ച, സെപ്റ്റംബർ 08, 2017

OMKV

OMKV -  ഈ അടുത്തയിടെ പഠിച്ചെടുത്ത സംസ്കൃതവാക്കാണു് OMKV. ചിരിച്ചൊരു വഴിയായി.

നമ്മ മലയാളികളൊരു സംഭവം തന്നെയാ!

ബുധനാഴ്‌ച, സെപ്റ്റംബർ 06, 2017

ഇതാ ഇവിടെ..




മൊബൈലിനു വേണ്ടിയുള്ള പേജിനെ പറ്റി എന്തെങ്കിലും അഭിപ്രായമോ, താങ്ങാൻ പറ്റുന്ന രീതിയിലുള്ള നിർദ്ദേശങ്ങളോ ഉണ്ടെങ്കിൽ ഈ പേജിൽ അറിയിക്കുക, നന്ദി.


വ്യാഴാഴ്‌ച, ജൂലൈ 13, 2017

ഹവ്വായ്ക്ക് ഗോപാലകൃഷ്ണൻ കൊടുത്ത പഴം


ഈ പോക്ക് പോയാൽ, ഏദൻ തോട്ടത്തിൽ അന്നാ നട്ടപ്പകലുച്ചനേരത്ത് ആദം കാണാതെ  ഹവ്വായ്ക്ക്  പഴം കൊടുത്തതും നമ്മടെ ആലുവാക്കാരൻ ഗോപാലകൃഷ്ണനായിരുന്നു എന്നു വരുമല്ലോ?

അനുയായികള്‍

Index