കൂടോത്രത്തിനുള്ള ഫണ്ടുണ്ടാക്കാനായി വാളകത്തെ അധ്യാപകന് മോതിരം പണയപ്പെടുത്തിയെന്നു വാര്ത്ത കണ്ടിരുന്നു. ഇടതുപക്ഷ സഹചാരികള്ക്ക് കൂടോത്രാദി സംഭവങ്ങളില് വിശ്വാസമുണ്ടോയെന്ന ചോദ്യം അവിടെ നില്ക്കട്ടെ.
എന്നാലും ആ കൂടോത്രത്തിന്റെ ഒരു ശക്തിയേ! ബാലകൃഷ്ണ പിള്ള ജയിലിലോ ആശുപത്രിയിലോ ഒക്കെ കിടന്ന് നിയമലംഘനം നടത്തി രസിക്കുന്ന മാടമ്പി നേതാവായി. വികടസരസ്വതി ഇപ്പോള് വിളയാടുന്നതാവട്ടെ മകന് ഗണേഷിന്റെ നാവിലും. മുന്മുഖ്യനില് കാമഭ്രാന്തനായ 88 വയസ്സുകാരനെ ഒക്കെ സങ്കല്പിച്ചെടുക്കാന് പാടാണു് - ഗ്രഹപ്പിഴ മൂത്ത് മന്ത്രി തന്റെ സ്ഥാനമൊഴിയേണ്ടി വരുന്നത് സങ്കല്പ്പിക്കാന് അത്ര പ്രയാസമൊട്ട് ഇല്ല താനും.
ഈ അവസരത്തില് ചോദിക്കാതെ വയ്യ - എന്തായിരുന്നു ആ കൂടോത്രം? ഇത്രയും ഫലവത്തായൊരു കൂടോത്ര വിദ്യ ചെയ്തു വിട്ട ആഭിചാരികനെ സമ്മതിക്കണം. അങ്ങേര്ടെ ഫോണ് നമ്പരോ വല്ലോമൊണ്ടെങ്കില് നമ്മക്ക് പാക്കിസ്ഥാനു് എതിരായോ സാക്ഷാല് യമദേവനെതിരായോ ഒക്കെ (just ആയിട്ടുള്ള causes നു മാത്രം..) കൂടോത്രം ചെയ്യിക്കാമായിരുന്നു..
( രാഷ്ട്രീയക്കാരുടെ ആയ കാലത്ത് കക്കാതെയും മുടിക്കാതെയും ഇരുന്നൂടായിരുന്നോ എന്ന ചോദ്യവും നമ്മക്ക് ചോദിക്കണ്ടാന്നു വെയ്ക്കാം..!)
കാകഃ കാകഃ, പികഃ പികഃ
വെള്ളിയാഴ്ച, ഒക്ടോബർ 28, 2011
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അനുയായികള്
Index
This
workis licensed under a
Creative
Commons Attribution-Noncommercial-No Derivative Works 3.0
License.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ