ഒരു ബിയര്‍ - ബെല്‍ജിയന്‍ സ്റ്റൈല്‍ ബ്ളൂ മൂണ്‍

വല്ലപ്പോഴും ഒരു ബിയറടിക്കാന്‍ കഴിഞ്ഞില്ലെങ്കില്‍ പിന്നെന്ത് കാര്യം അല്ലേ?

ബിയര്‍ വിരോധികളുണ്ടെങ്കില്‍, നിങ്ങള്‍ക്ക് സമാധാനം..!

എന്തായാലും, എനിക്ക് ഇഷ്ടപ്പെട്ട ഒരു ബിയര്‍ ഇവിടെ അവതരിപ്പിക്കുകയാണു് - ബ്ളൂമൂണ്‍. ബെല്‍ജിയന്‍ സ്റ്റൈല്‍ വീറ്റ് എയ്ല്. ഗോതമ്പ് ധാന്യവും, മല്ലിയും ചേര്‍ന്നതിനാലാവണം മറ്റ് ബിയറുകളില്‍ നിന്നും ഇതു വേറിട്ട് നില്‍ക്കുന്നത് എന്നു എന്റെ തോന്നല്‍.



വന്‍കിട ബിയര്‍ നിര്‍മ്മാതാക്കളായ കൂര്‍സ് തന്നെയാണു് ഇതിനും പിന്നില്‍. എന്നാലോ കുപ്പിയിലോ പാക്കറ്റിലോ എങ്ങും കൂര്‍സിന്റെ യാതൊരു ചിഹ്നവുമില്ല താനും. അതിനുള്ള കാരണമോ? "Coors does not actively advertise the fact that the brew is owned by Coors on the belief that being associated with a major national brewery would diminish its credibility among aficionados. Blue Moon is instead branded as being brewed by the "Blue Moon Brewing Company."

അതെന്തുമാവട്ടെ, ഇനി തരം കിട്ടുമ്പോള്‍ ഒരു ബ്ളൂമൂണും അതില്‍ ഓറഞ്ചിന്റെ ഒരല്ലിയും ഇട്ടൊരു പിടി പിടിപ്പിച്ചു നോക്കൂ.

കുടുംബം വെളുത്തു പോയാല്‍ കുറ്റം പറയരുത്, കേട്ടല്ലോ..!?