കുട്ടിക്കഥകളും ചിത്രങ്ങളും

കുട്ടിക്കഥകളും ചിത്രങ്ങളും എന്ന പുസ്തകം അമ്മ വാങ്ങിച്ചു തന്നതാണെന്നാണു് ഓര്‍മ്മ. പപ്പയാണു വാങ്ങിത്തന്നത്.


ചുവന്ന കട്ടിബൈന്‍ഡിങ്ങുള്ള പുസ്തകം, ഇന്നതെവിടെയാണെന്നു പിടിയില്ല. ഞങ്ങളുടെയെല്ലാം പല വര്‍ഷങ്ങളിലെ ഭേദ്യങ്ങള്‍ക്ക് ശേഷം സൂക്ഷിച്ചു വെയ്ക്കാനെടുത്തു വെച്ച അലമാരയിലിരിന്നു ദ്രവിച്ചു പൊടിയായി പോയിട്ടുണ്ടാവും. അതോയിനി ആര്‍ക്കേലും കൊടുത്തോന്നും അറിയില്ല.

സ്റ്റെപ്സിന്റെയോ മറ്റോ പ്രസിദ്ധീകരണമാണെന്ന് തോന്നുന്നു, കുട്ടിക്കഥകളും ചിത്രങ്ങളും. മാതൃഭൂമിയില്‍ ഇന്നൊരു ലേഖനം കണ്ടു, ഈ പുസ്തകം കണ്ടിട്ടുള്ളവരുണ്ടെന്ന് തിരച്ചിലില്‍ മനസ്സിലായി. (നമ്മുടെ ചിലരുടെയെങ്കിലും ജീവിതചക്രങ്ങള്‍ ചിലപ്പോഴെങ്കിലും സമാന്തരചാലുകളിലൂടെയാണല്ലോ പോയിട്ടുള്ളതെന്നു ആശ്ചര്യപ്പെടുന്നു..!)

"കുട്ടിക്കഥകളും ചിത്രങ്ങളും" - അതിന്റെ പതിപ്പുകള്‍ ഇപ്പോള്‍ വിപണിയിലുണ്ടോ? ഈ പുസ്തകം കുട്ടികള്‍ക്ക് തരപ്പെടുത്തിക്കൊടുക്കാന്‍ പറ്റുമെങ്കില്‍ ചെയ്യണേ, നല്ലതാണു്..!

(ചിത്രത്തിനു കടപ്പാട്: http://bit.ly/ey8Ofx )