ഫാസ്റ്റ്‌‌ഫോര്‍വേര്‍ഡ് ബട്ടണു, നന്ദിയോടെ..

പലതരം റിമോട്ട് കണ്‍ട്രോളുകളുടെ കീമാപ്പിങ്ങ് എഴുതിയിട്ടുണ്ട് - lirc-യിലും മറ്റും ഉപയോഗിക്കാനായി. അങ്ങനെ എഴുതിയ റിമോട്ടുകള്‍ നിത്യേന ഉപയോഗിക്കുന്നുമുണ്ട്.

ഫാസ്റ്റ് ഫോര്‍വേര്‍ഡ് ബട്ടണ്‍ ആദ്യം കണ്ടുപിടിച്ചയാളെ സമ്മതിക്കണം - ആധുനിക മലയാള സിനിമയെ മുന്നില്‍ കണ്ടുകൊണ്ടാവണം ആ വിദ്വാന്‍ അതൊപ്പിച്ചത് എന്നു് തോന്നിപ്പോവുന്നു.

ഫാസ്റ്റ് ഫോര്‍വേര്‍ഡ് ബട്ടണ്‍ന്റെ സുഖമറിയാതെ മലയാളം സിനിമ കാശു മുടക്കി തീയേറ്ററില്‍ പോയിരുന്നു കാണുന്ന പാവം കാണികള്‍ക്ക് ഒരു സലാം.

ശിശിരാത്തവര്‍ ശിശിരുമ്പോള്‍ ..

ശിശിരാത്തവര്‍ക്ക് ശിശിരുമ്പോള്‍ ശിശിരം  കൊണ്ടാറാട്ട് എന്നല്ലേ?

ഉറക്കംതൂങ്ങികള്‍

 

 

 

 

കേരളകൗമുദിയില്‍ കണ്ടത് : "പരേഡൊക്കെ കൊള്ളാം അല്ലേ......ഇന്ത്യന്‍ സൈന്യം രൂപീകരിച്ചതിന്റെ 64-ആം  വാര്‍ഷികാഘോഷങ്ങളില്‍ പങ്കെടുക്കാനെത്തിയ രണ്ട് വിദേശ സൈനികോദ്യോഗസ്ഥര്‍ ചടങ്ങിനിടെ ഉറങ്ങുന്നു.."  

 

ആഫ്രിക്കന്‍ രാജ്യങ്ങളിലേതോ നിന്നായതു കൊണ്ട് എന്തായാലും  ജെറ്റ്‌‌ലാഗല്ല.. 

ജനം - genitalia

ജനനി, ജനം, ജനനം, genital, generation, generation, genitalia തുടങ്ങിയ വാക്കുകള്‍ക്ക് തമ്മില്‍ എത്ര നല്ല സാമ്യം. ലാറ്റിന്‍ വാക്കുകള്‍ക്ക് സംസ്കൃതം വാക്കുകളുമായി എന്തൊരു സാമ്യം, അതിശയം തന്നെ!

എങ്ങിനെയാവും ഈ വാക്കുകളുടെ പദവ്യുല്‍പ്പത്തി (etymology) ?

പാട്ടിന്റെ കൈക്രിയ

മലയാളം ടീവിയിലും മറ്റും മൈക്ക് പിടിച്ചു കൊണ്ട് പാട്ട് പാടുന്ന പിള്ളേരില്‍ മിക്കവരും മൈക്കില്ലാത്ത കൈ കൊണ്ട് കാണിക്കുന്ന ഒരു കോക്രിയുണ്ടല്ലോ? പാട്ട് മുറുകുന്നതും അയയുന്നതുമൊത്ത് മൈക്കില്ലാത്ത,  ഫ്രീയായിട്ടുള്ള കൈയ്യിട്ട് മേലോട്ടും താഴോട്ടുമിട്ടാട്ടിയുള്ള  ക്രിയയാണുദ്ദേശിച്ചത്. 

മലയാളം പാട്ട് പാടണമെങ്കില്‍ ഈ കൈക്രിയ കാട്ടാതെ പറ്റില്ല എന്നൊരു സ്റ്റീരിയോ‌‌ടൈപ്പ് വന്നു പോവുമോ എന്നു പേടിച്ചു പോവുന്നു.

റ്റോപ് ഗിയര്‍

ജാഗ്വാര്‍, ലാന്‍ഡ്‌‌റോവര്‍ തുടങ്ങിയവ ഇപ്പോള്‍ ഇന്ത്യന്‍ ഉടമസ്ഥതയിലുള്ള ബ്രാന്‍ഡുകളാണെന്ന വാസ്തവം മറക്കാം. എങ്കിലും, കണ്ടിരിക്കാന്‍ രസമുള്ള ഒരു നല്ല വീഡിയോ, 88 മിനിറ്റ് സുഖമായി പോയിക്കിട്ടും.