ബ്ലോഗുകളെ കാറ്റഗറി തിരിക്കാന്‍

ബ്ലോഗുകളെ വിഭാഗങ്ങളാക്കി തിരിക്കുവാനുള്ള ഉപാധികളെ പറ്റി കുലംകഷമായ ചര്‍ച്ചകള്‍ ബൂലോകത്തില്‍ തകര്‍ക്കുകയാണല്ലോ.

എഴുതുന്ന ആര്‍ക്കും താന്താങ്ങളുടെ തന്നെ കാറ്റഗറികള്‍ ഏര്‍പ്പെടുത്താമെന്നിരിക്കെ (പ്രത്യേകിച്ചും ബ്ലോഗര്‍ 2-ന്റെ ആവിര്‍ഭാവത്തോടെ), പോസ്റ്റില്‍ നിന്നും കാറ്റഗറി കണ്ടെത്തി യഥാവിധി നിരത്താന്‍ പ്രായോഗികമായും പ്രയാസങ്ങളുണ്ട്. അതിനാല്‍, വരമൊഴി വിക്കിപീടിയയിലെ വിഭാഗങ്ങളെ മാതൃകയാക്കി, തനിമലയാളം വിഭാഗീകരണത്തിന് ഒരുങ്ങുകയാണ്.

ഏതു ബ്ലോഗിംഗ് സംവിധാനം ഉപയോഗിക്കുന്നവര്‍ക്കും, തങ്ങളുടെ കൃതികള്‍ ഏതു വിഭാഗത്തില്‍ വരണമെന്ന് നിശ്ചയിക്കാം. രചയിതാക്കള്‍ക്ക് മാത്രമല്ല, സന്നദ്ധരാ‍യ വായനക്കാര്‍ക്കും തങ്ങള്‍ വായിച്ചവയില്‍ പ്രിയപ്പെട്ട ബ്ലോഗുകള്‍ വിഭാഗമനുസരിച്ച് ചേര്‍ക്കാവുന്നതാണ്.

ബ്ലോഗുകളെ തരംതിരിക്കാന്‍ ഈ പേജ്‌ ഉപയോഗിക്കുക. ചേര്‍ക്കേണ്ടുന്ന പോസ്റ്റിന്റെ ലിങ്കും, അതിനുള്ള കാറ്റഗറിയുമാണ് പ്രധാനമായും അറിയേണ്ടത്.

വിഭാഗങ്ങളനുസരിച്ചുള്ള ലിസ്റ്റ് ഇവിടെ കാണാം. നിലവിലില്ലാത്ത വിഭാഗങ്ങള്‍ പുതിയവ ചേരുന്നതിനുസരിച്ച് പ്രത്യക്ഷപ്പെടേണ്ടതാണ്.

മുഴുവന്‍ ലിസ്റ്റില്‍ (head.html) വരുന്നവ മാത്രമേ തത്ക്കാലം വിഭാഗങ്ങളായി തിരിക്കാനാവൂ. (മുഴു ലിസ്റ്റില്‍ ഇല്ലാത്തവയെ കൈകാര്യം ചെയ്യാനുള്ള കോഡിനെ പറ്റി ചിന്തിക്കുന്നതേയുള്ളൂ എന്നതാണ് സത്യം)

മറ്റൊരു തരത്തില്‍ പറഞ്ഞാല്‍, തനിമലയാളത്തില്‍ വരുന്നവയെ കാറ്റഗറി തിരിക്കാനുള്ള സംവിധാനം -- ഏത് കാറ്റഗറി (വിഭാഗം) വേണമെന്ന് ഒന്നുകില്‍ വായനക്കാരനോ, അല്ലെങ്കില്‍ എഴുത്തുകാരനോ തിരഞ്ഞെടുക്കുന്നു. (ആരാണോ ആദ്യം തീരുമാനിക്കുന്നത്, അപ്രകാരം തന്നെ..)

ഒരു പോസ്റ്റ് ഒന്നിലധികം വിഭാഗത്തില്‍ ചേര്‍ക്കാന്‍ കഴിയില്ല -- ഏതെങ്കിലും ഒരു വിഭാഗത്തില്‍ മാത്രമേ ഒരു പോസ്റ്റിനെ പെടുത്താനാവൂ, ഇതില്‍.

അഭിപ്രായങ്ങള്‍ സ്വാഗതം...!!

-- ഏവൂരാന്‍.


൧: നിലവിലുള്ള വിഭാഗങ്ങള്‍:

അറിയിപ്പ്
ഓര്‍മ്മക്കുറിപ്പ്
കഥ
കവിത
ലേഖനം
റിപ്പോര്‍ട്ട്
നര്‍മ്മം
ചരിത്രം
പുസ്തകപരിചയം
പ്രകൃതി
ഫോട്ടോ
രാഷ്ട്രീയം
ശാസ്ത്രം
സംഗീതം
സല്ലാപം
സിനിമ
യാത്രാവിവരണം
സാങ്കേതികം
ഭാഷ
ദൃശ്യശ്രാവ്യങ്ങള്
ആരോഗ്യം
പാചകം

 

൨: വിഭാഗമനുസരിച്ചുള്ള ഫീഡുകള്‍

൨:൧ - തനിമലയാളം സെര്‍വര്‍ ഒന്നാമനില്‍ നിന്നുള്ളവ:

അറിയിപ്പ്
ഓര്‍മ്മക്കുറിപ്പ്
കഥ
കവിത
ലേഖനം
റിപ്പോര്‍ട്ട്
നര്‍മ്മം
ചരിത്രം
പുസ്തകപരിചയം
പ്രകൃതി
ഫോട്ടോ
രാഷ്ട്രീയം
ശാസ്ത്രം
സംഗീതം
സല്ലാപം
സിനിമ
യാത്രാവിവരണം
സാങ്കേതികം
ഭാഷ
ദൃശ്യശ്രാവ്യങ്ങള്
ആരോഗ്യം
പാചകം

൨:൨ - തനിമലയാളം സെര്‍വര്‍ രണ്ടാമനില്‍ നിന്നുള്ളവ:

അറിയിപ്പ്
ഓര്‍മ്മക്കുറിപ്പ്
കഥ
കവിത
ലേഖനം
റിപ്പോര്‍ട്ട്
നര്‍മ്മം
ചരിത്രം
പുസ്തകപരിചയം
പ്രകൃതി
ഫോട്ടോ
രാഷ്ട്രീയം
ശാസ്ത്രം
സംഗീതം
സല്ലാപം
സിനിമ
യാത്രാവിവരണം
സാങ്കേതികം
ഭാഷ
ദൃശ്യശ്രാവ്യങ്ങള്
ആരോഗ്യം
പാചകം

കമന്റുകള്‍ പിന്മൊഴിയില്‍ വരാതിരിക്കാന്‍‌

പെരിങ്ങോടരെഴുതിയ എന്തായിരിക്കണം ഓഫ് എന്ന പോസ്റ്റും, അതിനു് പാപ്പാന്റെ കമന്റുമാണ് അവലംബം:



ഉള്ളടക്കമില്ലാത്ത കമന്റുകള്‍ പിന്‍‌മൊഴിയില്‍ വരാതിരിക്കാനെങ്കിലും ഒരു സംവിധാനമുണ്ടായാല്‍ കൊള്ളാം. കമന്റിടുന്നയാള്‍ സ്വമേധയാ ഒരു pattern ഇടുകയും, ഏവൂരാന്‍ ഒരു ഫില്‍റ്റെര്‍ വഴി ആ കമന്റിനെ പിന്മൊഴിയില്‍ നിന്നു തടയുന്നതും ഒരു വഴി. ഉദാഹരണത്തിന്‍ ഞാന്‍ എവിടെയെങ്കിലും ഒരു പോസ്റ്റു വായിക്കുന്ന. ഇതിനുമുമ്പു തന്നെ 200 കമന്റുകള്‍ വന്നുകഴിഞ പോസ്റ്റ്, എനിക്കാണെങ്കില്‍ “നന്നായി” എന്നതില്‍‌ക്കൂടുതല്‍ പറയാനുമില്ല. ആ കമന്റ് പിന്‍‌മൊഴിയിലെ noise ആവും. അതിനാല്‍ ഞാന്‍ കമന്റിനോടൊപ്പം “qw‌_er_ty“ എന്നു കൂടി ചേര്‍‌ക്കുന്നു. ഏവുഫില്‍റ്റര്‍ ആ കമന്റിനെ തോണ്ടിയെറിയുന്നു. കമന്റടിച്ചു എന്നെനിക്കു സമാധാനം, ഇവന്റെ ഈ ആക്രിക്കമന്റു കാണണ്ടിവന്നില്ലല്ലോ എന്ന് പിന്മൊഴിവായനക്കാര്‍‌ക്കു സമാധാനം, 201 കമന്റായല്ലോ എന്ന് പോസ്റ്റെഴുതിയയാള്‍‌ക്ക് സമാധാനം, സമാധാനമുള്ളവര്‍‌ക്കൊക്കെ സന്‍‌മനസ്സും...


സ്വമേധയാ തങ്ങളുടെ കമന്റ് പിന്മൊഴികളില്‍ എത്തരുത് എന്നുള്ളവര്‍ക്ക്, അപ്രകാരം ഒരു ഓപ്ഷന്‍ വേണ്ടത് തന്നെയാണ്.

ഇടാന്‍ പോകുന്ന കമന്റുകള്‍, പിന്മൊഴികളില്‍ വരരുത് എന്ന് തോന്നലുണ്ടെങ്കില്‍, കമന്റിന്റെ ഒടുവില്‍ പുതിയ വരിയായി,

qw_er_ty

എന്നു ചേര്‍ത്താല്‍, അവ പിന്മൊഴികളില്‍ എത്തിച്ചേരുന്നതല്ല.

(qw_er_ty എന്ന പേരിലൊരു ബ്ലോഗറുണ്ടായാല്‍ എന്തു ചെയ്യും? ഉണ്ടാവില്ലായിരിക്കും; അന്നേരം നോക്കാം, അല്ലേ?)

:^)

അഭിപ്രായങ്ങള്‍ സ്വാഗതം.

സന്നദ്ധരായുള്ളവര്,‍ കമന്റുന്നതിനെ പറ്റി പോസ്റ്റുകളുണ്ടെങ്കില്‍, അതിലീ വിവരം ചേര്‍ത്തെഴുതാന്‍ അപേക്ഷ..



ചേര്‍ത്ത് വായിക്കേണ്ടുന്നവ:

1. എന്തായിരിക്കണം ഓഫ്?
2. വക്കാരീസ് ടിപ്സ്
3. കമന്റുന്നവരുടെ ശ്രദ്ധയ്ക്ക്
   

കൊഴിഞ്ഞ പൂവ്

ശ്രീമതി ശോശാമ്മ ജോര്‍ജ്ജ്, കല്ല്യാത്ര പീടികയില്‍, വെണ്മണി

ജീവിതചക്രം ഉരുളുകയാണ്, മുന്നോട്ട്.

ഒരുപാട് നൊന്ത്, ഒരു പൂവ് കൂടിയിതാ അതിനിടയില്‍ കൊഴിഞ്ഞില്ലാതാകുന്നു, അതിന്റെ ഉണങ്ങിയ ദളങ്ങളിതാ മണ്ണോട് ചേരുന്നു.

എനിക്കേറ്റം പ്രിയമുള്ളൊരു പൂവ്.

കറിക്കരിഞ്ഞ പാടുകളുള്ള ആ വിരലുകളുടെ സ്പര്‍ശം ഞാനിപ്പോഴും തേടുന്നു. ചമരിപ്പിക്കുന്നതിനിടയില്‍, ആ പാടുകളുടെ പരുക്കന്‍ സ്പര്‍ശം ഞാനിപ്പോഴും അറിയുന്നു.

കാച്ചിയ എണ്ണയുടെയും, അലക്കിയ ചട്ടയുടെയും സുഖമുള്ള ഗന്ധം ഞാനിപ്പോഴും മണക്കുന്നു. ദോശയും, കടുക്‌ വറുത്തരച്ച ചമ്മന്തിയും ഞാനിന്നും കൊതിക്കുന്നു.

കല്പിച്ചു തന്ന മുദ്ര മോതിരം, ഞാനിന്നും ധരിക്കുന്നു.

എന്റെ കണ്ണ് അടയും വരെയും, ഇതെല്ലാം എന്റെ മാത്രം സ്വന്തം.


പ്രവാസിയുടെ ഗതികേടിനെ ഞാനറിയുന്നു. ഭൌതികമായ ദൂരത്തെ ഞാനിതാ ശപിക്കുന്നു, മുട്ടലോടെ വിതുമ്പലൊതുക്കുന്നു.

എല്ലാവര്‍ക്കുമൊപ്പം, ഒരു പിടി ചെമ്മണ്ണ് വാരിയിടാനോ, തന്നിട്ടുള്ള ആയിരം ഉമ്മകള്‍ക്ക് പകരം ആ നെറ്റിയില്‍ അവസാനമായി ഒന്ന്‌ ഉമ്മവെയ്ക്കാനോ, എനിക്കുമേലുള്ള കെട്ടുകള്‍ അഴിയുന്നില്ല.

ഇനിയും ഒരു ജന്മമുണ്ടെങ്കില്‍, വല്ല്യമ്മച്ചിയുടെ കൊച്ചുമകനായ് വീണ്ടും പിറക്കാന്‍ എനിക്ക് ഭാ‍ഗ്യമുണ്ടാകട്ടെ.

പ്രാര്‍ത്ഥനയോടേ, വേദനയോടേ, പ്രണാമം.

അന്ത്യവിധിയുടെ നാളില്‍, അവന്റെ മഹത്വമുദിക്കുമ്പോള്‍, ഇവള്‍ വലംഭാഗത്ത് നില്‍ക്കട്ടെ.

സ്നേഹത്തിന് ഞാന്‍ വിളിച്ച പേരുകളിലൊന്ന് അമ്മച്ചി എന്നായിരുന്നു.