തറയാവല്ലേ സാറേ..!

ഞാനൊരിയ്ക്കലേ ഒരു പ്രശസ്ത വ്യക്തിയുടെ ഓട്ടോഗ്രാഫിനു വേണ്ടി ഒരു വേദിക്കല്‍ കാത്തു നിന്നിട്ടൊള്ളൂ.

പത്താം ക്ളാസ്സിലോ മറ്റോ പഠിക്കുന്ന കാലത്തു്, സുകുമാര്‍ അഴീക്കോടിന്റെ ഒരു പ്രസംഗവേദിയ്ക്കല്‍ കാത്ത് നിന്നു് ഞാനെന്റെ നോട്ട്ബുക്കില്‍ അദ്ദേഹത്തിന്റെ കൈയ്യൊപ്പ് വാങ്ങിയിരുന്നു. അദ്ദേഹം ഒപ്പിട്ടത് എന്റെ തന്നെ ഹീറോ പേനയും ഉപയോഗിച്ചായിരുന്നു. അഭിമാനപൂര്‍വ്വം ആ നോട്ട്‌‌ബുക്കും പേനയും ഞാനേറെ നാള്‍ കൊണ്ടു നടന്നു, മറ്റുള്ളവരോടു് അതിന്റെ വിശേഷങ്ങള്‍ പറഞ്ഞു നടന്നു. വര്‍ഷങ്ങള്‍ക്ക് ശേഷം, ആ നോട്ട് ബുക്ക് ഇന്നെവിടെയാണെന്നത് എനിക്കറിയില്ല. ഉത്തരേന്ത്യയില്‍ ജോലി നോക്കവേ വീട്ട്‌‌ജോലിക്കാരി എനിക്കു് വിലയേറിയ ആ പേനയും അടിച്ചു മാറ്റി.

എങ്കിലും, സുകുമാര്‍ അഴീക്കോട് എന്നും എനിക്കു പ്രിയമുള്ള ചിന്തകനും വാഗ്മിയുമായി തുടര്‍ന്നു.

ഇന്നോ?

പത്ര വാര്‍ത്തകളിലൂടെ ലാലിനെതിരെ അഴീക്കോടിന്റെ പ്രസ്താവനകള്‍ വായിച്ചപ്പോള്‍ കണ്ണു് തള്ളിപ്പോയി.

ഒപ്പം, ഇതു പറയാനും തോന്നിപ്പോയി: "തറയാവല്ലേ സാറേ..!"